गीत

गीत

दीपक जडित

त्यो गाँउ त्यो गल्ली त्यो गोरेटो अनि त्यो खोला
मैले त सम्झीराछु तर तिमीले भुलेउहोला ।

जहाँ हिंड्दा सँधै तिमी रिसाउदा पनि तिमी
सुख बाँड्दा पनि तिमी आँशु झार्दा पनि तिमी
तिमी बिना म हुन्थें रित्तो सकिएझैं खाली खाली
तिमी आउँथ्यौ हर पाईलामा उमँगको दियो बाली ।

एक अर्काको हात समाई छुट्ने बेला दुबै रोई
त्यो खोलाको किनारमा बसी कसम खा'थ्यौँ पानी छोई
म कसरी भुल्न सक्छु तिम्रो मेरो बाचा बन्धन
बिछोडिदा पनि आज तिम्रै याद आउँछ झन झन ।