पाउमा राखेर दाम चढाए ।
जुनाफमा फेरी नाम चढाए ।
अधिकार काटेको ध्वाँस दिए ,
भित्रभित्रै जुन घाम चढाए ।
भने दरबार खाली गरायौं ,
नागार्जुनको तामझाम् चढाए ।
रोजगार खोज्ने जनतालाई ,
सेवा - सुरक्षाको काम चढाए ।
चढाउन केहि नपाउनेले ,
परैबाट लालसलाम् चढाए ।
गोप्य सम्झौता लेखेर आँखिर ,
सुवर्ण 'जडित' खाम चढाए ।
2 comments:
वाह ! वाह!
यो पनि खुब गयो !
यसमा त सबै शेर एक-से-एक छन, सरल,छोटो तर जोडदार व्यङ्य सहितको ।
१२ लाईनमा पुरै नेपाली राजनैतीक आयाम नै कोरिदिनु भयो तपाईले त।
मजा आयो !
दिलिप जी ,
अनर्थ नबुझ्नुहोला मलाई मेरो गजल लेख्दा र तपाईंहरु समक्ष प्रस्तुत गर्दा भन्दा तपाईंको प्रतिक्रिया पाउंदा मजा आयो ।
Post a Comment