मेरो मनको संघारभरी खुशियाली पोतिदियौ
घाम संगै झुल्किएर जिन्दगीमा ज्योति दियौ ।
यति धेरै हाँसो मेरो अधरमा खन्याईदियौ
उदाश मेरा ओठहरु मुस्कुराउने बनाईदियौ
बगर झैं प्यासी मनलाई छाल बनि मोति दियौ
घाम संगै झुल्किएर जिन्दगीमा ज्योति दियौ ।
बादल बनाई खुल्ला निलो आकाशमा उडाइदियौ
उचालेर भुँईबाट जूनतारामा चढाईदियौ
सम्हाल्नै नसक्ने गरि खुशी कति कति दियौ
घाम संगै झुल्किएर जिन्दगीमा ज्योति दियौ ।
No comments:
Post a Comment