गीत : म त लिन्न तिम्रो नाउँ ।

मुटु भरी लेखे जती तिम्रो नाउँ मेटिदिएं
तिम्रो यादमा बल्झिरने घाउ पनि रेटिदिएं
अब दुख्दैन यो घाउ म त लिन्न तिम्रो नाउँ
एकोहोरो मैले मात्र प्रेमको गीत कति गाउँ ।

तिमी हाँस्दा यो मायामा दिलै खोलेर
म त रोएं यै मायाले भित्र पोलेर
भै गो अब म त रुन्न झुठो प्रेममा अन्धो हुन्न
रहरको हात बढाई कहिले पनि तिम्लाई छुन्न ।

तिम्ले माया धेरै पायौ अरु अरुको
मैले माया हार्ने दाउ लगाएझैं भो
अब बाजी लाउंदिन भो मायाको गीत गाउंदिन भो
प्यास बोकि छाती भरी तिमी छेउ आउंदिन भो ।