गजल ।

गजल ।

-दीपक जडित

त्यती धेरै बाचाबन्धन खै त कहाँ कामलाग्यो ।
तिम्रो मेरो सम्बन्धमा आँखिर पुर्णबिराम लाग्यो । १

बगिरहने आँशुमेरो तिमीबाट लुकाउन ,
सधैँ बर्षात रोजी हिँड्थें तर आजै घामलाग्यो । २

काटिदियौ प्वाँख मेरो म त भुईंमै लडिरहें ,
आकाशमा उड्ने मेरो ईच्छा सबै जामलाग्यो । ३

भएजति भाग्यहारी अभिषाप म बाँचेको छु ,
खुशी तिमी छौ कि छैनौ चिठ्ठा त तिम्रै नामलाग्यो । ४

रित्तिएको एक्लो जीवन रित्याउंदैछु एक्लै म त ,
सायद तिम्रो जिन्दगीमा मेला धूमधाम लाग्यो । ५

बसन्तको सँघारमा तिम्ले पाईला टेक्दै गर्दा ,
कठ्याङ्ग्रीने हुस्सु सँगै यहाँ शिशिर यामलाग्यो । ६