पत्तै नपाई म गजलमा ओर्लीसकेछु र पछिल्ला दिनहरुमा पहिले अधुरा रहेका केहि गजललाई पुरा गर्ने , पुनर्लेखन गर्ने साथै नयाँ लेख्ने काम गर्दैछु यतिबेला । यस अघिको गजल घेर्नु अरे पहिले लेखेर ड्राफ्टमा राखेको थिएँ र पुनर्लेखन गरेर ल्याएको थिएँ भने यो चाँही नयाँ लेखेको हुँ ।
मनमा 'दीपक' निभाएछन् आज ।
हरेस सबैले नै खाएछन् आज ।
शुक्लपक्षको रात पनि भो कालो ,
चन्द्रमा किन हो अस्ताएछन् आज ।
हराएर आशा घोर निराशाका ,
मुना , पालुवा पो टुसाएछन् आज ।
त्यो ईतिहासले पनि धिक्कारेर ,
स्वाभिमानी नुर झुकाएछन् आज ।
राखेर आफ्नो चैं खेतबारी बाँझै ,
पसिना अन्यत्रै बगाएछन् आज ।
खेताला न पर्म सबले आ आफ्नै ,
मात्रै घरको छानो छाएछन् आज ।
कस्तो अचम्म ! गाईजात्रै नआई ,
केलाई हो मखुण्डो लाएछन् आज ।
हिँजो त सब्को मुख बन्द नै थ्यो रे ,
सास फेर्न क कस्ले पाएछन् आज ?
आजित भएर हेर हामीदेखि ,
बुद्ध फेरी जन्मेर आएछन् आज ।
भन्न चाहन्छु म बालेछन् दीपक ,
चन्द्रमा पनि त उदाएछन् आज ।
6 comments:
ल ल दीपक जी गर्नुस है प्रगति -गजल लेखनमा पनी -तपाई एउटा राम्रो सर्जक हुनु हुन्छ ।
राम्रो छ दीपकजी! शेरको बान्की मिलेको छ र सहज गेयात्मकता पनि छ।
सुन्दर गजल !
हरेक गोरेटो मार्फत छाम्न सकिने यो गजल ! आयतन आकार को अर्थात बुझ्न् खोज्ने लाई बुझ्ने कै अनुसार बराबर भाब दिने । यो पनि हो जस्तो लाग्ने उु पनि हो जस्तो लाग्ने ।
सुन्दर !
१० सेरको गजल जिन्दगीमा विरलै पढ्न पाइएको छ, त्यही अलगपनलाई स्विकारेर पढ्न थालेँ यो गजल । र पनि, यति लम्बिएर बगेका सेरहरू भाव र विषयप्रस्तुतिका हिसाबले पातला रहेनछन् । सबै वजनदार लागे । नत्र गजलमा सेरको बाढी बग्दा क्रमश: भाव खिइएर सकिँदै गएजस्तो फिकापन आउने खतरा रहन्छ । मतला र मक्ता दुवैमा तखल्लुसको सुहाउँदो प्रयोगले गजललाई सुरक्षाकवच पहिर्याएजस्तै भएको छ । गजलको ओराली यात्रादेखि ब्युँझिएर तिक्खर नयाँ सिर्जना रच्दै उकालोतिर बढेको प्रमाण दिनुभएको छ । शुभ यात्रा है यो जागरणलाई !
प्रत्येक सेरको वहाबमा वाह ! वाह ! अपेक्षित हुन्छ । तपाईँको गजलका सेरहरूले त्यो कुरा धानेका छन् । यिनमा पनि तपाईँका यी सेरलाई विशेष वाह ! वाह !!
कस्तो अचम्म ! गाईजात्रै नआई,
केलाई हो मखुण्डो लाएछन् आज ।
आजित भएर हेर हामीदेखि,
बुद्ध फेरि जन्मेर आएछन् आज ।
दीपक जी
नमस्कारम। सबै कमेन्ट लेख्ने मित्रहरुले
भन्नु भए जस्तै दीपक जी बहु प्रतिभासाली
ब्यक्तित्व हुनुहुन्छ। उहा हरेक बिधामा हात
चलाऊनुहुन्छ। कि कसो बन्धुहरु हो,
धन्यवाद ! सबैलाई ।
बिमलजी ? त्यतिमाथी त नपुर्याईहाल्नुस् न है अहिले नै ।
Post a Comment