Friday, November 17, 2006

गीत : तिम्रो माया बल्छि रैछ ।

तिम्रो माया बल्छि रैछ मुस्कानको चारो थाप्यौ
लोभिएर उनिएछु म
जालहारीको जाल जस्तो तिम्रो त्यो जाली मायामा
थाहै नपाई थुनिएछु म ।

दुनियां भरको सुखहरु तिमी भनी लत्याई दिएं
आफ्नै मनको केही खुशीहरु पनि हुत्याईदिएं
सबै छोडें तिम्रो निम्ती आंखिरी म रित्तो भएं
भित्र भित्रै धमीराले मक्काएको भित्तो भएं ।

दुखिरन्छ मुटु , आँशु आँखाबाट बर्षिरन्छ
बुझाउं कसरी यो मन झस्किरन्छ तर्सिरन्छ
बिहान पनि मेरो निंती सुर्य अस्ताएझैं भयो
मैले खाँदा कसम पनि हरिताल खाएझैं भयो ।

No comments: