सुन ए ! बटुवा दाई ,
एकैछिन त बिसाएर जाउ
मेरो गीतमा तिम्रो दुख
अनि खुशी मिसाएर जाउ ।
हिंड्दै जाँदा बाटोभरी घाउ धेरै भेटिनेछ
आजका यि खुशीहरु भोली सबै मेटिनेछ
सुन ए ! बटुवा दाई ,
यौटा गीत गाएर जाउ
मेरो गीतले च्यातिएको
तिम्रो मन सिलाएर जाउ ।
लामो बाटो जिन्दगीको हाँसी हाँसी काट्नु पर्छ
केहि खुशी केहि दुख सबै सँग साट्नु पर्छ
सुन ए ! बटुवा दाई ,
थोरै प्रीत लाएर जाउ
मेरो गीतको अधुरो सुर
तिमी पुरा बनाएर जाउ ।
No comments:
Post a Comment