गीत : मन फाटेको कहानी

लेख्नै सकिँन मसीले मेरो मन फाटेको कहानी
नलेखेकै अक्षर रोईरहेको देखिरहेछु जहाँ नि ।


बतास पनि त रुँदैछ आज हेर पातहरु झरेको छ
थपिँदा चोट छातीमा मेरो आघात अरु परेको छ
लेख्नै सकिंन देख्नै सकिंन जीवनमा कुनै सपनी
नलेखेकै अक्षर रोईरहेको देखिरहेछु जहाँ नि ।


जित्न चाहनेको माझमा म त हारिदिन तयार छु
के हुन्छ अर्थ जीवनको कस्तो म त यसै निसार छु
सँधै आँसुसँगै सुरु हुन्छ मेरो जीवनको बिहानी
नलेखेकै अक्षर रोईरहेको देखिरहेछु जहाँ नि ।