गजल : मेरो दिलको हार भयो ।

तिम्रो र मेरो आँखा जहाँ चार भयो ।
त्यहींनेर मेरो दिलको हार भयो । १

गुलाबझैं सुन्दर कोमल माया तिम्रो ,
जिन्दगी जिउने मेरो आधार भयो । २

आकाशझैं स्वच्छ सफा दिलमा मेरो ,
तिम्रो प्रेमको रङ्गको बहार भयो । ३

चन्द्रीकाझैं चम्कने आँखाको नानी त्यो ,
म आफै नै हराउने संसार भयो । ४

हिमालझैं ललाट चुमें जब तिम्रो ,
'दीपक'को त सपना साकार भयो । ५

पहिलेनै लेखेको यो गजल नेपालीपोष्ट डट कममा प्रकाशित भै सकेको हो । यस्लाई मैले अहिले थोरै सम्पादन गरेको छु । मैले आफैले लेखेको रचनाहरु यदि त्यो यस ब्लगमा राखेको समयमा लेखेको हुँ भने आफ्नो रचना : नयाँ कलम र यदि त्यो पहिले नै लेखेको हो भने आफ्नो रचना : पुरानो कलम भनेर बर्गिकरण गर्ने गरेको छु र अरु प्रकारका लेखाईहरुलाई पनि बर्गिकृत गर्ने बिचार गरेको छु ।