Monday, May 24, 2010

गफ : केहि नभएको कुरा

आज जन्मदिन परेको हुँदा केहिदिन अघिदेखि नै सोचेको थिएँ जन्मदिनकै मौकामा यौटा ताजा पोष्ट राख्नेछु ब्लगमा । तर आज अचम्मको चकमन्नमा दिन बिताएँ मैले । अनेक कुराहरु आए र गए मगजभरी तर आएका केहि कुराहरुले पनि यौटा सग्लो स्वरुप लिन सकेनन् जस्लाई ब्लगमा प्रस्तुत गर्न सकुँ । साँझतिर त एक हिसाबले आजको मिती चुपचाप पन्साईदिउँ पनि लागेको थियो तर फेरी सोचें, केहि नभएको कुरा नै पनि त ब्लगमा एकपल्टलाई मिती अँकित गर्ने कुरा हुन्छ त्यसैले सोचें केहि त पक्कै लेख्छु र दिउँसो आमालाई सम्झेर कोरेको दुई टुक्रा तर अझै अधुरो कविता पनि राख्छु र ल्याएँ यो केहि नभएको कुरा ।

अरु वर्षहरु भन्दा भिन्दै हिसाबले सोचें मैले यो वर्षको आजको दिन अर्थात आफ्नो जन्म दिन । दिनभरी आमालाई सम्झिएँ मैले आज र त्यहि मेसोमा कोरेको थिएँ यो दुई टुक्राहरु -

,
आमा
यौटा ओथारो वात्सल्यको
ओथारिएँ
ममताको न्यानोमा
तङ्ग्रिएँ, हुर्किएँ
बाटो लागेँ
ठुलो भएर

,
आमा
यौटा भकारी मायाको
झिकें
चाहिए जति माया
लाडिएँ, प्याउलिएँ
बाटो लागें
ठुलो भएर

फेसबुकमा लिपिसकेको थिएँ यि दुई टुक्राहरु र यो तस्विरपनि -

नभन्दै ब्लग सुरु गर्दा भएको स्थानको हाल बसिरहेको स्थानको समयान्तरले गर्दा मितीले पनि एकदिनको फड्को हानिसकेछ

5 comments:

Aakar said...

जन्मदिन को दिन मा आमालाई सम्झेर बिताउनु भएछ ! तर यो दोस्रो पंक्ति ले अलि गाह्रो गाह्रो नै पार्दोरहे !

आमा
यौटा भकारी मायाको
झिकें
चाहिए जति माया
लाडिएँ, प्याउलिएँ
र बाटो लागें
म ठुलो भएर ।

फेरि पनि जन्मदिन को शुभकामना ! यहाँ का हरेक क्षणहरु सुखमय बनोस् !

Basanta said...

जन्मदिनको मंगलमय शुभकामना!

दुई टुक्राहरु साह्रै मन परे मलाई, भावबिभोर बनाए। कविता पूर्ण भएपछि पनि पढ्न पाउने आशा छ।

Ashesh said...

जन्मदिनको धेरै धेरै शुभकामना । आजकाल तपाईका लेखहरूले भावबिभोर बनाउछ । अस्तिको सानीआमाको कथा अनि आज आफ्नै आमालाई समर्पित गर्नुभएका टुक्रा । सबै उस्तै मनछुने खालका ।

Dilip Acharya said...

छोटा छोटा भएपनि गज्जबको भावनात्मक'घनत्व' रहेको छ दुबै टुक्रामा । वाह ! वाह ! नै भने मैले त ।

जन्मदिनको शूभकामना !

Luna said...

मार्मिक कबिता - -
जन्म दिनको शुभ कामना दिपक जि ।