Monday, April 02, 2007

फोटो कविता : तिमी जून आयौ ।



हटाई काला बादल सबै
मेरो जिन्दगीमा तिमी जुन आयौ ।
बनेर शुभ्र चन्द्रमा सरी
दिब्य ज्योतिले मलाई छुन आयौ ।। १

सुकेर नदी बगर हुँदा
रसाउंन घाँटी मरुद्यान आयौ ।
मेटेर श्राप शिरको सबै
मेरो जिन्दगीमा बरदान आयौ ।। २



बा बा फुटाई प्रथम बोली तोते
अलौकिक आनन्दले मन भरिदियौ ।
खित्खिताई मिठो त्यो अबोध हाँसो
कष्ट जीवनमा जति छन हरिदियौ ।। ३

फुलें खुशीमा फक्रिएर उमंग
अपूर्ब त्यो प्रेमले सिंचन गरिदियौ ।
टेकि हात पाउ चार बामे सर्दै
यो जीवनमा सुवास झन छरिदियौ ।। ४



उभिएर टेक्यौ पाईला पहिलो माग्दै मेरो सहारा ।
बर्षियो मानौं बसन्त जीवनमा भएं म हराभरा ।। ५

ताते भन्दै हिडाउंदा आँगनमा साना हात समाती ।
चिन्यौ पूतली र फूल बसेर डुलाउंदा काँधमाथी ।। ६



हिड्न थाल्यौ टुकुटुकु वरपर उज्यालो पार्दै घर ।
दगुर्दै नौ रंगी पूतलीको पछि नमानी केहि डर ।। ७

रोईदिंदा फुल्याउन तिमीलाई बनें म घोडा हाथी ।
दियौ खुशी अनन्त तोते बोलेर बनेर मेरो साथी ।। ८



सर्दैनन पाईला स्कूल जानलाई
त्यो झोला ठुलो बोकेर ।
सुंक्क सुंक्क गर्दै जानै पर्यो आँखाभरी
आँशुहरु रोकेर ।। ९

सुनाउन थाल्यौ मलाई कखहरा
सकेसम्मै लौ घोकेर ।
भन्थ्यौ भाँचियो ढाकिछोपी बदमाशी
पेन्सिल त्यो टोकेर ।। १०

साँवा अक्षर चिनाई तिमीलाई आफु
जिन्दगी म बुझ्दैछु ।
बटुलेर अकल्पनिय आनन्द म पितृ
स्नेहमा रुझ्दैछु ।। ११



फूलिरहोस मुस्कान तिम्रो अधरमा
यसैगरी हराएर जून तारालाई ।
लागीरहोस शुभाशिष तिम्रो शिरमा
हँसाउ तिमी आफु झैं जग सारालाई ।। १२

बाँचिरहनेछु म मेरो जीवन संधै
तिम्रो अधरको त्यही खुशीमा फूलेर ।
हाँसीरहनेछु म तिम्रै मुस्कान संधै
आफु भित्रको सबै छटपटी भुलेर ।। १३



शुक्लपक्षको चन्द्रमा उदाई
मेरो जिन्दगीमा तिमी जून आयौ ।
गाईरहनेछु म तिमीलाई
मेरो हृदयमा तिमी धून आयौ ।। १४

यो कविता ( फोटो कविता ) मैले मेरी प्यारी छोरीको निंती लेखेको हुं ।

7 comments:

Anonymous said...

असाध्यै राम्रो लाग्यो मलाइ। यति राम्रो सृजना वाह मनै प्रशन्न भयो मेरो त।

Anonymous said...

hajur ko yo kabita padapachi mali comment lakhna nai man lagyo kabita ko madham bata aphno maya mamata pokhako mali dhari ramro ra agami dinharu ma pani lakhdai janu yahi maro subhakamana

Anonymous said...

hajur ko yo kabita padapachi mali comment lakhna nai man lagyo kabita ko madham bata aphno maya mamata pokhako mali dhari ramro ra agami dinharu ma pani lakhdai janu yahi maro subhakamana
krishna

Anonymous said...

hajur ko yo kabita padapachi mali comment lakhna nai man lagyo kabita ko madham bata aphno maya mamata pokhako mali dhari ramro ra agami dinharu ma pani lakhdai janu yahi maro subhakamana
krishna

Anonymous said...

असाध्यै मायालु र सुन्दर कबिता तपाईंको छोरी जस्ताइ ।
छोरी लाई धेरै धेरै माया तपाईंको साथी म लुनाको तर्फ बाट पनि ।

Anonymous said...

असाध्यै मायालु र सुन्दर कबिता तपाईंको छोरी जस्ताइ ।
छोरी लाई धेरै धेरै माया तपाईंको साथी म लुनाको तर्फ बाट पनि ।

Anonymous said...

kati mayalu ani jivanta!! kabita hoina yo ta hajurko bhavana po ta hai !! Dinju chhorilai dherai shubhakamna feri pani !
Rama