गजल

गजल

दीपक जडित

नेताहरुको राजतन्त्र थाम्ने मात्रै एउटा काम भयो ।
आन्दोलनको मर्म राजाको गोडामा चढाउने दाम भयो । १

हिजो सम्म गणतन्त्रको भाषण भुक्ने नेताहरुको ,
भित्रभित्रै राजा रिझाउन दरबार छिर्ने लाम भयो । २

जनता सामु जनतानै भगवान हुन भन्नेहरुको ,
नारायणहिटी दरबार नै आज चारधाम भयो । ३

छारो बनाई संबिधानसभा हाम्रो आँखामा हाल्दिए ,
होला कि त भन्दै हाम्रो त अँध्यारोमा छामाछाम भयो । ४

रक्तपात र हिँसा छाडी आएका माओवादिलाई ,
फेरी जँगल पठाउने कसरत खुलेआम भयो । ५

यो गजल नेपालीकविता डट कममा प्रकाशित भएको छ र उमेश श्रेष्ठको माई सन्सार डट कममा पनि कमेण्टको रुपमा लेखिएको छ ।