गीत : तिम्रो आँखाको गहिरो पीडा

तिम्रो आँखाको गहिरो पीडा
जो म देखिरहेछु त्यो नहुन सक्छ
आँखा न हो आफ्नै मनलाई छल्ने
मनको दुखमा यो नरुन सक्छ


सँधै हाँस्न खोज्ने ती ओठमा तिम्रा
कोहि साथ हुँदा झन मुस्कान मेटिन्छन्
किन मोड आउँछ जिन्दगीमा यस्तो
जहाँ खुसी सबै ओईलेको भेटिन्छन्


म किनार भएर नदी झेलिरहेछु
तिमी धार बनेर झनै काटिरहन्छौ
जति फूल्न खोज्छन् खुसी मेरा सबै
तिमी दुखहरुसँग साटिरहन्छौ