Tuesday, March 15, 2011

गजल : सलाम ति आँखालाई

चढाईदिन्छु एउटा सलाम ति आँखालाई ।
मेरो नाम नजोडिंदै बदनाम ति आँखालाई ।

देख्दा सामु बिझाउने समय थियो या म थें,
टाढा छु होला अब त आराम ति आँखालाई ।

भक्त बनाई दुनियाँ नचाउने सपना जस्को,
आँसु चढाउने यो मन के काम ति आँखालाई ।

अइना(ऐना)मा शृंगार हेर्दा आफुलाई नदेख्ने,
प्यारो अवश्य लाग्ला छलछाम ति आँखालाई ।

आफैंलाई तारा ठानेर टल्किरहेछ एक्लै,
कतिन्जेल देखाईरहन्छौ जुनघाम ति आँखालाई ।

4 comments:

Chaitanya said...

सशक्त जवाफ ! अब पुग्यो होला ती आँखालाई !

Nepali FM said...

Sachai nai babbal chha, aaba pugyo hola ti aakha laai ...

Bed Nath Pulami said...

आफैंलाई तारा ठानेर टल्किरहेछ एक्लै,
कतिन्जेल देखाईरहन्छौ जुनघाम ति आँखालाई ।

Luna said...

तिम्रो नाम जोडिने भाग्य कहा ---
नसोध जबाफ ति आँखालाई ---