आफ्नो आफ्नो बुझाई हो आफ्नो आफ्नो हेराई
मान्छे किन आफैंलाई दुखी ठान्छन धेरै ।
कुमालेको चक्र जस्तै जीन्दगानी हाम्रो
पालै संग भोग्नु पर्छ राम्रो र नराम्रो
कोमल त्यो फूल संगै काँढा पनि हुन सक्छ
नजिकैको मान्छे कैले टाढा पनि हुन सक्छ ।
आफ्नै खुशी हाँस्छ मान्छे आफ्नै दु:ख रुन्छ
अरु हाँस्दा ईर्श्या गर्छ रुँदा कान थुन्छ
आज झरी परेको छ भोली घाम लाग्न सक्छ
आज वैलिएको माया पनि भोली जाग्न सक्छ ।
No comments:
Post a Comment