गजल / जस्ताको तस्तै

उमेशजीको माई सन्सार डट कममा कमेण्ट लेख्ने क्रममा लेखेको यौटा गजल जस्ताको तस्तै - copy paste - राखेको हुँ ।

दीपक जडित
-----------------------
धन्यवाद उमेश जी , नगरिकसभाको समर्थन गर्दै मैले मेरो ठाउँबाट गर्न सक्ने काम - सबै स्वदेश तथा बिदेशमा बस्नुहुने गणतन्त्र तथा लोकतन्त्र प्रेमी साथिहरु को लागि __यौटा गजल------------------------------

गजल

राजनीतिको हिसाबमा कि त जोड कि त घटाउ ।
भएजति बिनासकारी नेताहरुलाई हटाउ । १

नेताहरुको लिँढेढिपिमा मुलुक किन अड्काउने? ,
राजनीतिको गाँठो खोल्न नागरिक समाजलाई पठाउ । २

आफ्नै मात्र स्वार्थ हेरि राजा राख्छु भन्नेहरुलाई ,
हत्यारा त्यो राजा सँगै चाँडैगरी नौ डाँडा कटाउ । ३

बस्ती बस्ती गाँउ गाँउ जागृतीको शँखघोष गर्दै ,
देशभरी मडारीएको अन्यौलको बादल फटाउ । ४

बल्ल बल्ल हिँसा त्यागी आएका बिद्रोहीहरुलाई ,
फेरी जँगल पस्न सक्छन , मुलधारमा ल्याई अटाउ । ५